I-NSNP ihlose ukuthuthukisa ikhono lokufunda labafundi ngokunikela ngokudla okunempilo ezikoleni. Lapho lwenziwa khona, lolu hlelo selukhombisile ukwenza ngcono ukugcina isikhathi, ukuya ezikoleni njalo, ukugxila kanye nempilo ejwayelekile yabafundi ababambe iqhaza.

Yize abafundi behlinzekwa ngokudla okunomsoco, bafundiswa futhi ukusungula nokugcina imikhuba emihle yokudla nezindlela zokuphila impilo yabo yonke. INutrition Education iphinde inikeze othisha izinsiza kusebenza zokweseka ikharikhulamu nokwenza zonke izikole isikole esinempilo.

Izikole ziyakhuthazwa futhi ukuthi zisungule izingadi zokudla lapho zithola khona umkhiqizo omusha (imifino / izithelo) ukwengeza imenyu ngokuhambisana neMihlahlandlela Yezokudla yaseNingizimu Afrika. Abafundi, othisha nabazali banikezwa amakhono okuzilimela ukudla kwabo okufaka isandla ekuvikeleni ukudla kwasekhaya isikhathi eside. Izingadi ziphinde zisetshenziswe njengomthombo wokufundisa nokufunda nokwenza ubuhle bezemvelo.

(Umthombo: www.education.gov.za)